[品味人間] 從前牛下有間雲興隆小廚好出名, 早幾年搬左去附近的德寶花園. 感覺清潔了不少. 食物種類仲好多似多左. 不過佢一過左 7:30pm, 就好多人, 記得要訂位呀!
秋天開始, 又係時候食下煲仔飯. 一於食個我最 like 的田雞煲仔飯加條臘腸, 上菜時幾香呀! 田雞肉質彈牙爽口，幾鮮甜! 而且份量都不少, 一個人食, 好夠呢! 但係....煲底的飯焦就唔知去左邊. 豉油，亦太咸.....可惜! 豉油, 我較喜歡甜甜地的呢. 水準差了好多....煲底D飯仲濕濕地.....
佢個士多卑梨豬脾骨就幾時都好正! 酸酸甜甜, 好開胃, 配白飯好一流呀! 佢又唔會酸到你好唔舒服喎, 個味有點點回甘咁. After taste 持續好耐呀! 正!! 必試呀!!
其實煲仔飯我有另一些推介的, 就係豉汁白鱔同埋蝦乾排骨. 不過今次得自己一個, 食唔到咁多野. 唯有下次啦.
另外小菜方面, 冰梅骨係佢地的鎮店之寶呢! 大家有機會可以食下呀.
一個人食, 食左大約 HKD 150 啦.
Search